(Matrimonio triestino, post in triestino)



* Prima de tutto complimenti per le decorazioni, fantastiche (Luisa te son un genio!). Go adorado le capesante disseminade in ogniddove. Pecà che no iera el bouquet de pedoci, e ghe Gabriel no sia entrado in cesa con el smoking sotto la muta, come James Bond, sennò fossi sta perfetto.



* A proposito de bouquet, el fatto (assolutamente involontario) de gaverlo vinto me ga inquietado non poco. Se Deste magari no ghe se sentava de sora in macchina, fossi sta mejo. La metafora xè però evidente.

* Sì, me son misciada (uuuhhh quanti anni che no disevo 'sta parola!) con Matteo P, e allora?! Come molti sa, Matteo me ga sempre piasso. Nella fase "sincerità" che precedi la fase "ubriachezza molesta", gavemo anche scoperto de aver avudo varie comunanze de ...ehm...idee nel corso del tempo.
Matteo poi (che non xè una bestemmia), xè sta accompagnado a casa, con la forza, da mi e Antonio (sempre affidabile). Per le scale el zigava "Je suis le patatòn" e "shshshs", dopo che in macchina, prima de cascar morto su de mi, el se gaveva prodotto in una scarica de volgarità non ripetibili.
Lo stesso Matteo, interpellato telefonicamente da questo blog, se ricorda più o meno fin al 5° amaro...dopodechè el sa solo de esserse sveiado nel proprio letto alle 10 de domenica con in mente la parola "patatòn".
Secondo el suddetto Matteo, inoltre, la colpa xè del signor Vinicio che no voleva cambiar el fusto de bira e se ga messo a servir Jagermeister.



* A giudicar dalle foto (che per qualche strano motivo le xè sta carigade da Flickr dall'ultima alla prima), ierimo tutti pervasi dalla fiamma dello spirito santo o, più probabilmente, del demonio.
Più che altro me son dimenticada de toglier l'anti-oci-rossi.
La più inquietante xè senza dubbio questa:
"Deste! Rinuncia a Satana!"



Chiunque gabbi foto che vol aggiungere a ste qua, che me le mandi pur!

* Dopo aver visto che ben che xè vegnudi i matrimoni Milic - Catalan e Bon - Feliziani, per competer, dovessi come minimo sposarme alla Sant Paul Cathedral e far el ricevimento nella hall della Tate Modern de l’altra parte del Tamigi, con i U2 in persona che canta "Who’s born in January, stand up, stand up!".
Per no parlar poi de che bei che xè Jan e Giulia. Là proprio no me arrischio gnanche a competer (eh eh …come se gavessi mai voluto….)



* Anche se, cari i miei Matteo ed Enrico, no ierimo a una sagra paesana! (polemica)



*…e comunque, secondo mi no iera mal gnanche “Gabriel barcolla, ma Luisa non molla”…



Beh insomma....W gli sposi! E speremo che dal Messico i ne porti un poco de pejote, o almeno una tequila col vermo.